મઝધારે સરવાળા

કામમાં ખોવાઈ જા કેહતી 

સુધ્ધિ બુધ્ધિ ભાગી જા કહેતી

હાથમાં સમાઈ જા ને કેહતી 

રિધ્ધિ સિધ્ધિ લાગી જા કહેતી

----રેખા શુક્લ

ચાહતની જુવે ખુમારી;

વરસી વાદળ રૂવે ખુમારી

ધોધમાર તરસી ખુમારી;

તલપની રટણ ખુમારી

ખિલવે ક્યારે પ્રેમ ખુમારી; 

મોરપીંછે રમે ખુમારી

લંઉ ઓવારણા વાહ ખુમારી; 

પાણી પાણી ગમે ખુમારી

----રેખા શુક્લ

સંગ ફર્યા પ્રશ્નો તર્યા...

અંગ તર્યા ખુદ મર્યા.....

અંક ફર્યા દ્ર્શ્યો ફર્યા...

જંગ કર્યા આંસુ સર્યા... 

----રેખા શુક્લ

ઉછલતા દેખ ચાંદ કા મુખડા; 

દરિયા તો પાની કા ટુકડા...

----રેખા શુક્લ

દરિયા છે ધરતી નો ટુકડો; 

ઉછળે જોઈ ચાંદ નો મુખડો. 

----રેખા શુક્લ

તમન્ના આભે મઝધારે; 

તનમન કાંપે સંગ ધારે.

----રેખા શુક્લ

સરતો સમય પાયે પડે ને 

યુવાની ક્યારે પ્રોઢ બને !!

----રેખા શુક્લ

આંકડાને અક્ષરોના સરવાળા ; 

તાંપણા ને ટાઢકમાં કરમાણા.

----રેખા શુક્લ

કોઈ ગઝલ મળે !!

જો રોંઉ આંસુ તો એ તો મને સહજ મળે

ને હું ના પેહલા તુજ નયનમાં ભેજ મળે

હ્રદય ની હઠ છે પ્રથમ થઈ મનને મળે

પછી ભલે ને વધારે નહી તો સહેજ મળે

રખડું ઇરછા ભળી જાય જો હું મા તું મળે

ચાહું તુજ ને મુજમાં કોઈ ગઝલ મળે !!

--રેખા શુક્લ

પ્રભુતાના પગલે મોરલો ઝરમરિયા વરસાદમાં....

પ્રભુતાના પગલે મોરલો ટહુક્યા કરે; 
અર્ચન પ્રિતનો; પ્રસાદ ધર્યા કરે; 
સ્પંદન પ્રયુત્તરે આશિષ મહેંક્યા કરે; 
ભળે આસ્વાદે સ્મરણું રણક્યા કરે
----રેખા શુક્લ

ઉગે યાદો ચણતા ચણતા;શમણું રોપાયું નયન માં...
છત્રી વાસી ઇરછા ખોલું; ઝરમરિયા વરસાદમાં....
----રેખા શુક્લ

વરસે ઇશ્વર

વરસે ઇશ્વર થઈ મોંજા લઈ હૈયામાં; 
મોજીલું મોંજુ થઈ રેતી ના ચરણોમાં; 
કીડી ઝડપે અંતર કાપે આવીને યાદોમાં; 
ફુટપટ્ટીયું અંતર માપે કાંપતા અધર માં
----રેખા શુક્લ

ઓરૂં મુજ નું વ્હાલ

મારા જગમા તારા સુધી વરસે વ્હાલ; 
મારા પગલા તારા સુધી તરસે વ્હાલ;
શબ્દનું મૌન વહે તારા સુધી સ્પર્શી વ્હાલ; 
શ્વાસ છળે ચૈન સુધી હળવા ફુલ પગલે વ્હાલ;
દળવા ઓરૂં મુજ નું વ્હાલ રોજ પ્રેમ કરશે વ્હાલ
----રેખા શુક્લ

કૄષ્ણ..કૄષ્ણ

અસવાર સુર્ય આવે જાય સાંજ ને સવાર; 
ભીની ભીની થાય રહે સાંજ ને સવાર; 
વાર કાપતો સમય ને રહે સાંજ ને સવાર; 
થડકાર દિલ નો જાગતો સાંજ ને સવાર; 
પળવાર કૄષ્ણ લાગતો સાંજ ને સવાર
----રેખા શુક્લ

અવાજ શ્યાહી થઈ રોજને ખરડાય છે

આ કેવો તે શહેર નો વિચિત્ર ન્યાય છે?
બેઠાં બેઠાં કેમિક્લ્સ ભરખે તે ન્યાય છે?

તારા શહેરમાં પણ શું આવું કૈં થાય છે?
ઘરમાંથી બહાર આવતા થાકી જવાય છે?

ગુંચવાયેલા હવા તિમિર ને જોઈ વાય છે?
દરરોજ મારી આંખમાં કાં મેળો ભરાય છે?

કોનો અવાજ શ્યાહી થઈ રોજને ખરડાય છે?
ઝાંખા ઝાંખા મા'ણા નજરે હૈયે ભરડાય છે?
----રેખા શુક્લ