કાલ્પનિક દુનિયામાંથી વસ્તવિકતાની ધરતી પર રૂમઝુમ ચાલે ચાલતી મારી કવિતા નવોઢા બની શરમાય છે....
શનિવાર, 22 સપ્ટેમ્બર, 2018
કરૂણતા પોકારે
કરૂણતા પોકારે મૄત્યુને
એને જીવવું છે જીવવા તો દેશો ને ?
હજી તો જનમ્યું જ છે હસવા તો દેશો ને ?
ડર લાગે છે મને એના રૂદનનો , ડુંસકા નો
પરખતું નથી હજુ નાદાન છે, થોભી જશો ને ?
ખોવાઇ જશે - કરમાઈ જશે ભોળપણ
અરે! તેની પણ સજા દેશો ને ?
મશીન બની જીવશે, રોજ મરી ને
રોજ ની જેમ દંશ રોજ દેશો ને ?
બુધવાર, 12 સપ્ટેમ્બર, 2018
અલી અલી
ક્યા બાત !! નાદાન કરે ઇબાદત અલી અલી
ને શંકર નું નામ લઈ પીવે ઝેર રે અલી અલી
સવાલી તું ખાલી ન જશે દર થી અલી અલી
ફરમાન હિફાજત, ચાહત દેશે જો અલી અલી
ગુલામ પયગંબર કરી દેશે રાહત અલી અલી
પ્રસંગ વણ્રુ હા ચિત્ર ના રંગ ભરી અલી અલી
મુકામ સખાવત હસતા ચેહરા રાખો અલી અલી
વક્ત કઠીન કરજો આસાન કહું હવે અલી અલી
----રેખા શુક્લ
મંગળવાર, 11 સપ્ટેમ્બર, 2018
મંગળવાર, 4 સપ્ટેમ્બર, 2018
પ્રીતનાંં ઘેલાં
પ્રીતનાંં ઘેલાં
અમે તો પ્રીતનાં ઘેલાં, અમારા મીન સરોવરના નાતા;
મીન સરોવરના નાતા, અમથી મૂક્યા નથી મૂકાતા-
અમે તો ....
સરોવર સૂકાતાં હંસ ઊડીને, થીર બીજે થઈ જાતા;
વિણ પાંખુંના વિહંગડાં અમે, જળ સાથે ઝડપાતાં-
અમે તો...
ધણને ઘાએ અગનની ફૂંકે, ગાળ્યા એમ ગળાતાં;
ખાખ થયા વિણુ આઘા ન ખસતાં, લોઢા લાકડે જડાતાં-
અમે તો ....
માનવ માટીના જુગજુગ જૂના, સબંધ નિભાવ્યે જાતાં;
માંડવે ચોરીના માટ મસાણે, આગ લઈ આગળ થાતાં-
અમે તો...
એવી લગન છે કલમ અણીથી, અગળાં થઈ સુકાતાં;
લહિયા આ સાહ્યું લીલી ન જાણજે, ખૂંટી ધૂળ્ય ખાતાં-
અમે તો...
કાદવ સરખાં દાદ' કે' કલેવર ને નીર સાથે નાતા;
વેઠવા વસમા વિયોગ એના, હૈયાં ચીરાઈ જાતાં-
અમે તો...
----કવિ 'દાદ'
પગલાંની માળા
પગલાંની માળા
વીણી વીણીને ભેગાં કરિયાં, સપનાં બધાં સુવાળાં;
નજર ગૂંથે પગલાંની માળા.
બે ચાંચડિયે એક જ તરણુંં, લઈ ઊડતાં લટકાળાં;
મનડાં અમે એમ ગૂંથ્યાં'તાં જેમ સુધરીના માળા-
નજર ગૂંથે પગલાંની માળા.
ઈ વાટડીએ વન ઊગ્યાં, જ્યાં હાલ્યાં'તાં પગપાળાં;
વિંખાઈ ગયા છે આજ વિસામા, ગોંદરા નદિયું ગાળા-
નજર ગૂંથે પગલાંની માળા.
બાંધ્યાં અંગ દિશા ના સૂઝે, ક્યાં કરવાં ઊતારા;
આસરો દઈ ઊડાડી મૂક્યાં, વલખે પાંખુવાળા-
નજર ગૂંથે પગલાંની માળા.
આવન જાવન રહી ન કોઈ, ઊંધી ગયાં અજવાળાં;
બંધ કરી ધર બેસી ગયાં છે, સૂન ઘરને તાળાં-
નજર ગૂંથે પગલાંની માળા.
મરી ગયાં 'દ્વાદલં મધલાળે, ઊગરવા નહીં આરા;
તાણે તાણે તૂણાઈ ગયાં, જેમ કરોળિયે જાળાં,
નજર ગૂંથે પગલાંની માળા.
----કવિ 'દાદ'
આના પર સબ્સ્ક્રાઇબ કરો:
પોસ્ટ્સ (Atom)