મંગળવાર, 3 સપ્ટેમ્બર, 2019

સ્વયંમ


અણદેખ્યાં ક્યાંથી કરશું મીઠા માઠાં નખરાં
અલકમલકના રંગબેરંગી પંછી માળે સરખાં

મીઠામધ ગાલ રૂપાળાં આ તે કેવા ગળપણ
હા..હા મસ્તી-ધમપછાડા તો ય રૂડા સગપણ

પાણી પાણી નેહ ભીંજવે ભીના ભીના વળગણ
છોડ માંગે પરવરીશ, વટવૄક્ષ બને છે બચપણ

ભાગે પગેરૂમ પકડાપકડી, પાણી પાણી ઘડપણ
યાદ ઝંખે ચશ્મીશ આંખુ, કરવાનું હવે  પર્યુષણ

પેનપાટી લૈ પતંગિયા ઉડ્યા સ્કૂલે છોડી બાળપણ
મ્યુઝિકલચેર થી મોહિત ને ખો-ખો લાવે કળતર

ગભરી ડૂબકીએ ગભરું હાસ્ય, કરે પાણીમાં ચડતર
ડુસકાં ડૂમાં હોશ વિસાણાં, તુજ શરણનું જ ધડતર

ગા,ગા, લ,લ,ગા છૂટે વ્યાકરણ સંખ્યા રમે સંતાકૂકડી
કૂસ્તી કરી પાછળ કબ્બડી , હાંફી રમતી બારખડી

અ આ ઇ ઈ ઓ  ઔ અં અઃ ઉભી આડી અવળી
શ્લોક પધ્ધતિ ગોખે આંકડા, બ્રહ્માંડ ગુગલે વળી

સ્વયંમ અસ્તર સ્વયંમ નસ્તર ભાગતું સતત બચપણ
સ્વયંમ બખ્તર સ્વયંમ તત્પર, તેથી રહેતું બચપણ

----રેખા શુક્લ