સોમવાર, 27 જુલાઈ, 2020

અમીત નેહા ને રક્ષાબંધન



      

ભાઈ અમીત નેહા ને જોઈને ખુશ ખુશ થઈ ગયો. બહેન બોલી ધ્રુજતા ધ્રુજતાઃ- " ભાઈ તું પડી ગયો ? મટી જશે હો !!" બોર બોર જેવડા આંસુની ધાર વહી જતી રહી. આ વાત પછી બે 
ડોક્ટરને ફરી બતાવ્યું ચાર મહીને પણ થેરેપી પણ ના કરાવાઈ કોનો કાંઢો વાંક ? નેહા હજુ નાનકડી હતી પણ સમજી ગઈ ભાઈ હવે લંગડો થઈ ગયો છે. પપ્પાના અંતિમ શ્વાસે તેમને વચન આપતા બોલેલી કેઃ- "મરતા દમ તક હું ભાઈનું ધ્યાન રાખીશ. મમ્મી તમારી સ્વર્ગમાં રાહ જુવે છે ભાઈની ચિંતા જરાય ના કરશો. "લગ્ન પછી પણ પરદેશમાં વસવા છંતાય દર બે વર્ષે ભાઈને મળવા જાતી જ. અમીત નેહા ના પવિત્ર સંબંધને નજર લાગી ગઈ કે શું આ વર્ષે વ્યાકુળતા ભાઈના અવાજ માં સાંભળીપહેલા તો તે ગભરાઈ ગઈ. ભાઇને કોરોના થઈ ગયો હે ભગવાન !! કોઈ 
પણ હિસાબે તેને હિંમત દેવા પણ જો પહોંચી શકાય તો સારું. એરલાઇન્સ વાળા પણ ખરા છે પાંચ હજાર ડોલર્સની ટીકીટ મળે તોય બેગ તૈયાર જ છે. ભગવાન નું લઈ નામ નીકળી પડી નેહા... પથારીમાં 
પડેલા અપંગ ભાઈને કોરોના થઈ ગયો છંતાય બહેન નેહા ને જોઈને અમીત માની શકતો નહોતો.
કે સાચ્ચે જ બહેન આવી ગઈ. અમીત પાસે સિરીયસ ચેહરે ઉભેલી નેહા ને ડોક્ટર સાથે ઉલટતપાસ લેતા જોઈ માની ગયો સપનું નથી જો'તો. નેહા બોલી ઃ- " ભાઈ તું ચિંતા ના કર હું આવી ગઈ છુ ને ! સારું 
થઈ જશે હો. " ડોકટરે પણ જોયું કે પેશન્ટ ને સારું થઈ જશે. ચાર દિવસે સવારે અમીતે છેલ્લા શ્વાસ 
લીધા. બહેને ફરી બોર બોર આંસુ સાર્યા પણ ભાઈને વિદાય દેતા તે ખૂબ દુઃખી દુઃખી થઈ ગઈ. 
સ્વાભાવિક સંજોગોમાં પણ ભાઈ બહેન છૂટા પડે તો દુઃખ તો થાય જ પણ અહીં તો અંતિમ વિદાય આપવી પડી. નેહાને ઢાઢસ બાંધવા પણ ચારેકોર કોઈજ નહોતું. શ્વાસ રૂંધાતો હતો તેવું લાગતું હતું પણ 
આંસુ છલકે જ જાતા હતા. બીજા દિવસે રક્ષાબંધનનો દિવસ હતો. પર્સમાં રાખડી પડેલી જોઈને ધ્રૂસ્કે 
ને ધ્રૂસ્કે રડતી રહી. 
--- રેખા શુક્લા

ભોળો તું ભોલેનાથ


મૌત થઈને આવે તો ભગવાન કોને કહેવાનું ?
અસ્તિત્વ તારું સમજાવ અમને
બસ હવે બહું થયું  તું જ સાંભળ અમને
તારે મારવા જ છે ને કહી દે અમને
પણ એક સાથે મારવા હોય તેટલા મારી નાખને
આ રોજ રોજ મરે છે તે નથી ગમતું 
શ્રાવણ માસે શા સારું પજવા તને
વિનંતી કરીએ અરજ કરીએ તોય તું ના ગાંઠે અમને
આ રોજ રોજ જોડવાના હાથ તે નથી જોવાતું 
ભોળો તું ભોલેનાથ થઈ આમ બાળે અમને
માન્યો દેવાધિદેવ તને આમ રાક્ષસ જેમ ના માર બધાને
આ કોરોના મરે તો માનીએ બાકી નથી સહેવાતું 
પ્રભુ તને પડકાર્યો કરી પ્રાર્થના હવે ના ડરાવ અમને
જાણી લીધો તું જ સજા દે કોરાના ને દૈ ભગાડને
તું ધરાણો નથી રોજ રાખથી એ નથી ફાવતું 
તને બેસાડ્યો મંદિરીયામાં હવે તો સહાય કરને
તડપાવી તરસાવી ને જીવ લઈલે પ્રભુ થઈને
ગુસ્સે થઈને તાંડવ આદરે તે નથી પરવડતું 
----- રેખા શુક્લ

રક્ષાબંધન

Close-up of Rakhi : Stock Photo

રક્ષાબંધનના પાવન પર્વે વિનવું છું પ્રભુને 
ખુશ રહે, તંદુરસ્ત રહે, દુઃખ દર્દથી બચાવે (૧)
રેશમનો છે તાર, એક અનોખો સાર છે બંધને
પહેલું સુખ તે જાતે નર્યા ભાવ સ્નેહ વરસાવે (૨)
પ્રેમ દિલનો વહે ભગિનીનો સરિતા થૈ રક્ષાબંધને
લીધો ખોળે જન્મયો ત્યારે આંખો હેત વરસાવે (૩)
વ્હાલ કર્યું હાલરડાં ગાઈ ઝૂલ્યો પારણે સૂઈને
ભીંજાયો તું વ્હાલમાં હરખાઈને રાખડી બંધાવે (૪)
એજ આશિષ એજ અભ્યર્થના ખુશ લાડુ જોઇને
ખુશખુશાલી મારા ગાલે ચુમ્મી કરતો ખંજને વધાવે (૫)
ગણ્યા છે સિતારા ક્યારેક ધ્રુવનો તારો જોઈને
રક્ષા કરજો મુજ ભાઈની "પોતેજ ભેટ"છે કહી હસાવે (૬)
---- રેખા શુક્લ 

શનિવાર, 25 જુલાઈ, 2020

સ્વભાવ


રૂની પૂણી જેવી કાયા લઈને આવે માયા
માયા માયા કરતા કરતા સંસારી થઈ જાતા
.....સ્વભાવે આમ કોઈ રમકડાં રાખનાં (1)
ક્યાં ભાગે છે માણસ થઈને ભરમાવે માયા
મૌત આવે છે રાક્ષસ લઈને એમ ડરાવતા 
......સ્વભાવે આમ કોઈ રમકડાં રાખનાં (2)
હું મોટો તું નાનો એ ભરમ ન સમજે માયા
ચોતરફ હાહાકારે મોકો આવ્યો સમજાવતા
........સ્વભાવે આમ કોઈ રમકડાં રાખનાં (3)
પડકાર્યો સ્વભાવે માણસ, પડછાયો છે માયા
ચકાસી ચકાસી પરીક્ષ લે સજા દઈ સમજાવતા
........સ્વભાવે આમ કોઈ રમકડાં રાખનાં (4)
ગુસ્સે થઈને તાંડવ કરતા હાહાકાર મચાવતા
પ્રભુ થઈને આગળ પાછળ આંગળીએ નચાવતા
.......સ્વભાવે આમ કોઈ રમકડાં રાખનાં (5)
ફરમાઇશો પૂરી કરે પ્રભુ પણ હવે તો રડાવતા
સ્વભાવ માનવીનો જાય પ્રાણ સંગ, તે કહેતા 
.......સ્વભાવે આમ કોઈ રમકડાં રાખનાં (6)
ભૂલ્યા છો બધા દેવાધિદેવને કુટંબને વિભાજતા
સ્વભાવે સરળ રહો સહજ રહો ઘરમાં ધ્યાન ધરતા
........સ્વભાવે આમ કોઈ રમકડાં રાખનાં (7)
ભટ્ટ ભરપૂર વટ કરે ને લાડુ કરતા ચટ્ટ
બ્રાહ્મણમાં સ્વભાવે ભટ્ટજી થઈ કહેવાતા
......સ્વભાવે અમે આમ રમકડાં રાખનાં (8)
પ્રાણ ને પ્રકૄતિ એક સાથે જાય 
એમ કહી સ્વભાવે સૌ દુઃખી થાતા
......સ્વભાવે આમ કોઈ રમકડાં રાખનાં (9)
પ્રધ્યાપકજી ને પંતુજી બેય સાચા ધડવૈયા
માતપિતા તુલ્યે સ્વભાવે સંસ્કારી થાતા
......સ્વભાવે આમ કોઈ રમકડાં રાખનાં (10)
શાંત રહો શાંતિ જાળવો કરો મંત્રોચ્ચાર થોડા
અદબ પલાઠી મોં પર આંગળી યાદ કરાવતા
----સ્વભાવે આમ કોઈ રમકડાં રાખનાં (11)
ચેંજ છે જરૂરી કેટલીવાર હવે કહેવાનું ધરે રહો
કરોનાથી રાખો સાવચેતી બહારે જ રખડતા
---- સ્વભાવે આમ કોઈ રમકડાં રાખનાં (12)
કોઈ મધમાં ચાય ઉકાળા હળદર કાફી ખાતા
કોઈ ઉતાવળા પાલન કરતા ચુસ્તમાં ગણાતા
-------સ્વભાવે આમ કોઈ રમકડાં રાખનાં (13)
--- રેખા શુક્લ 

સોમવાર, 20 જુલાઈ, 2020

ઘરકૂકડી


ઘરકૂકડી ના કહેશો કોઈને જઈ કરોના ના ભેટશો કોઈને
થયો કે થશે તેની રાહમાં કોઈના પર ના ભરોસો કોઇને

શા માટે મરવું છે ? શા માટે મળવું છે જલ્દીમાં કોઈને
તમે તમારું જીવન જીવો પંચાતિયાને હુ તુ આપ કોઇને

બોર બોર આંસુ રોયા સોરી થેંક્યું ના અસર હોય કોઇને
જિતવા માટે ચોખ્ખી ના હવે નેગેટીવ રિપોર્ટ રાહ કોઇને
---- રેખા શુક્લ

રવિવાર, 19 જુલાઈ, 2020

કલાકૃતિ



સરતું વિચારબિંદુ ટપક્યું પીંછીએથી કેનવાસ પર ક્યારેક હસ્તું ક્યારેક વિચારતું ચિત્ર તાંકતું નજરૂમાં તો ક્યારેક સામે હસતું એક પેન્સિલની અણીથી થઈ અલગ વિસ્તર્યું રંગોમાં અને સર્જાઈ કલાકૄતિ. દિવાના છે રંગોના કલાકૃતિ સર્જવામાં ક્યારેક ગૂંથાયા રંગો નવા અનોખા કાપડમાં. આકારોના વળાંકોનો દોષ નથી પણ તુંડે તુંડે મતીર્ભિન્ના એમ કલા વિકસે છે દરેકમાં કોઈને સંગીતની દુનિયા ગમી કોઈને ભાષા વ્યક્તિ કે વસ્તુમાં. કુદરત કરે છે કમાલ અને તમને આપે છે કલા હવે તમે જો વિકસાવી શકો તો એમાંથી જે રચાય તે કૄતિ સૌને ગમે તો જરૂર વખણાય. મનુષ્યમાં સ્ત્રી અને પુરુષ પ્રભુની સર્વશ્રેષ્ઠ કૄતિ. પણ પાષાણે કંડારી મનુષ્યે પ્રભુની જો હસ્તી મૂર્તિ તો મંદિરે પધરાણી. બાળક જન્મે તો મા-બાપ નું સૌથી વ્હાલું લાગે કેમકે તેમનું સર્જન છેને. ખિલેલા ફૂલો મૌસમના જોઈ મન પ્રસન્નતા અનુભવે અને માળી એનું જતન કરે તો કોઈ મંદિરમાં તેનો હાર બનાવી ચઢાવે.
મને ખૂબ શોખ છે કલાઓ વિકસાવવાનો તેથી શરૂ શરૂમાં હું ડુડલીંગ કરતી દરેક હાંસિયામાં નાનું મોટું ચિતરકામ કરતી. પપ્પાનો વારસો મળેતો તો ચહેરો દોરતા શીખી ખરી. રંગો માં મેઘધનુ મારું પોતાનું બને ને આકાશે વિચરે મન ઉડી ને અડે. વોટર કલર ઓઈલ પેઇન્ટ પેન્સિલ કલર ને ક્રેઓન્સ ની મજા કલાકૄતિ ઝળકાવે. ક્યારેક વરસાદનું તો ક્યારેક ઉત્તરાયણનું વાદળોમાં સંતાયેલા સુરજ્દાદા કે ચાંદામામા અને નીચે ધર... ઝાડ ની બાજુમાં તળાવને તળાવમાં તરે હંસ અને માછલી. દિવસે દોરડા કૂદતી છોકરી દોરું તો ક્યારેક બસ રંગોળી. ઘણા વખતે નવું શીખ્યાનો આનંદ થયો જ્યારે એલ્યુમિનિયમ ઓક્સોડાઇઝ્ડ પ્લેટ ને કાર્વ કરી. ઓહ માય ગોડ કંપાસ એન્ડ્ની તિક્ષ્ણતાને તેની ફીટ પક્કડે આંગળીએથી લોહી ટપકે પણ કોઇ અનુભૂતિ નહોતી આંગળીમાં કે સંવેદના...પણ મારા રાધાકૃષ્ણ નું આર્ટ વર્ક પૂરુ કર્યાના સંતોષ હતો.. આજ મારી કલાકૃતિ સાચવીને રાખ્યાનો આનંદ છે. કલા ને સાહિત્યમાં લીધેલ રસ સાચવ્યો તેનો ગર્વ છે.
 --- રેખા શુક્લ

જ્યારે સૂરજ ઢળતો હતો, એ રોજ ત્યાં મળતો હતો

જ્યારે સૂરજ ઢળતો હતો, એ રોજ ત્યાં મળતો હતો
ખાનગીમાં જાણે શું શું કહેતો હતો, પ્રેમમાં પડ્યો હતો
હૈયે ટાઢક પામી કાયા મદમસ્ત ગુલાબી ખિલતો હતો

ઘંટનાદે થતી આરતીમાં લીન, તોય એને જો'તો હતો
મીન નયની હિરન ચાલમાં એ પણ સાથે ઝૂલતો હતો
જ્યારે સૂરજ ઢળતો હતો, એ રોજ ત્યાં મળતો હતો

મળે છે દિલ થી દિલ અહીં  શાંત દરિયો ધૂધવતો હતો
પાલવડેથી વિખુટા પારેવડા, ચાંચોમાં ચાંચો પોરવતો
જ્યારે સૂરજ ઢળતો હતો, એ રોજ ત્યાં મળતો હતો

પૂરવાને જીવમાં જીવ ઢળી રહેલી ગઝલ નિરખતો'તો
પર્વ હતો કે હતી સાંજ રોજ રોજ આમ વળગતો હતો
જ્યારે સૂરજ ઢળતો હતો, એ રોજ ત્યાં મળતો હતો

થનગન નાચે રૂપ સુંદરી વહેતી સરિતા પીતો'તો
પ્રિયતમાના ટહુકારે એ લળી લળીને વહેતો હતો
જ્યારે સૂરજ ઢળતો હતો, એ રોજ ત્યાં મળતો હતો

નખરાળીની મિઠ્ઠી મિઠ્ઠી વાતો ને એ પોંખતો હતો
જાય પ્રજવલ્લી શમ્મા, એવા મુકતક ટાંકતો'તો
જ્યારે સૂરજ ઢળતો હતો, એ રોજ ત્યાં મળતો હતો


પડખે અવળું સૂઈ પંંપાળે તો સૂંવાળપ સૂંઘતો હતો
પૂરી રાખીયે શું  શબ્દોને માળામાં કહીને ગાતો હતો
જ્યારે સૂરજ ઢળતો હતો, એ રોજ ત્યાં મળતો હતો

દિલે દીધા દાટી ઘાવ શબ્દોની આળમાં કહી રોતો હતો
પાડી દીધી આદત રોજની મારામાં આમ ડૂબતો હતો
જ્યારે સૂરજ ઢળતો હતો, એ રોજ ત્યાં મળતો હતો

સાંખે સંગે અંગેઅંગે, રંગ ઉઝરડા સ્મિતે ચૂંથતો હતો
તરફડે પરિંદુ નાદાન, પિંજરની જાળમાં ગૂંથતો'તો
જ્યારે સૂરજ ઢળતો હતો, એ રોજ ત્યાં મળતો હતો
-----રેખા શુક્લ

સુંદરતા


ગુગમ ગરિમા વાચિકમ મંચ પર શિકાગોથી રેખા શુક્લ ના નમ્રવંદન .
આજનો વિષય છે "સુંદરતા"
સુંદરતા પામતા પહેલા સુંદર બનવું પડે. એક પ્રકૄતિના સાનિધ્યમાં ને બીજા ભાખોડિયા ભરતાં બાળકમાં સુંદરતા મળીજ જાય છે. "Beauty is in the eye of beholder." જુદા જુદા રંગ ને જુદી જુદી ભાત ના વૄક્ષ - છોડવે આવે પાન ને મારુ મન લલચાય.. આજે કોઈ નવું પાન આવ્યું હશે.  " 'Bless this house with Love and Laughter' " વર્ષાના વધામણાં માં ભીંજાતા આ ઘર ને છત્રી ઓઢીને જોતી ઉભી રહી...નયનતારા ને મધુમતી બે સખીઓ પ્રકૄતિના સાંનિધ્યમાં ચૂપચાપ મગ્ન થઈ ને આનંદ માણી રહી.. દસ હજાર ટુલીપ્સ એમની સામે તાકી રહ્યા હતા. Mendenhall Glacier ને અચંબા પૂર્વક અમે જોઈ રહ્યા.હતા ત્યાં કુદકડી નયનતારા દોડી આવી. નવી શરૂઆત જાણે એનામાં નવું તરંગ આવ્યું !! ંઆ મંડેલા લેક ને જોઈ મધુમતી આછું સ્મિત કરી બોલી આપણે અહીંજ રહી જઈએ તો બોલ તારું શું કેહવું છે... જો છેક સુધી ટ્રેઈન આવે છે..!! આમ ઉતાવળે નિર્ણય કંઈ થોડો લેવાય ? પણ અહીં કેટલું રૂડુ રૂપાળું છે...
..ચોમાસે મધુમાસ ભળ્યો શું, કંટકોને કોરાણે કરીને કળીઓ બોલી તું ઝૂમ..તો ખરી.
Mendenhall Glacier  ગવર્નરનું મેન્શન  સીધાસાદા ઘર જેવું !!ગોલ્ડ પેનિંગ જુના કાટ ખઈ ગયેલા ઓજાર.. Mine -Mountain-Lake -Island-Glaciers-Icebergs-museum-Church n Mansion walked by to take pics in Victoria City in -British Columbia, Canada
 દરિદ્રતા જોઈ દ્રવી ઉઠતા હ્રદયે પરોપકારની ભાવના એ સુંદરતા, વ્યક્તિત્વની ભવ્યતા ને દેખાવડી વ્યક્તિની સુંદરતા કે લીંપેલ આંગણે કરેલી રંગોળીનો દેખાવ સુંદરતા માટે દ્ર્ષ્ટિ હોય તો જગત આખું સારું સારું લાગે. આમ જોઈએ તો આપણી દરેક સેન્સીસ અનુભવે સુંદરતા. કવિ તેને અલંકારિક શૈલીમાં પરોવે કે ચિત્રકાર દ્ર્શ્ય કરે. મંત્રોચ્ચારની મોહકતા ને સંગીત સાંભળીએ હા સુંદરતા માણીએ.
ખૂબ અનોખુ વતની વર્ણન મા'ણે મા'ણું ખોળી લાવ્યું
 બસ આમ ને આમ સાવ અમસ્તુ મળવા આવ્યું,
મોજા પાછળ મોજું દોડ્યું, ખળખળ બોલી આવ્યું.
લેકની ગોદમાં સૂરજ નાચે, વહેણ વલોવી આવ્યું,
અંધારા ઉલેચતા ચાંદલિયાને એકાદુ ઝોકું આવ્યું.
મૂંઝારો ને મૌન વેરાણુ, ડાળે ડાળું જો જાગી આવ્યું,
ઉંચી ડોકે લંબાતી ચાંચે પંખીડું "મા" ભાળી આવ્યું.
 ---રેખા શુક્લ 

ગુરુવાર, 16 જુલાઈ, 2020

"સાથ"

ગુગમ ગરિમા વાચિકમ મંચ પર શિકાગોથી રેખા શુક્લ ના નમ્રવંદન આજ સાથે સાથે

આજનો વિષય છે "સાથ"

કોતર્યુ છે દિલ અને રેત માં છે પગલાં સાથે સાથે
કોરી પાનીએ સપના માંડે છે પગલાં સાથે સાથે

અંધકારે ઉજાસે સંગ સંગ રહું છું ઈશ સાથે સાથે
મહેંક છું ફુલની અંગઅંગ રહું છું પુષ્પ સાથે સાથે

આંખો કહે તુજને આખો ચાહું છું આવ સાથે સાથે
શમણું થઈ રોજ પાંખો ચાહું છું પંખી સાથે સાથે

દર્પણ છું ના ખોજ સન્મુખ રહું છું જોને સાથે સાથે
પડછાયો તુજ થી તુજ માં રહું છું કાયમ સાથે સાથે

થાય સપના ભડથું સાથે ખુલ્લી પાંપણ પડખું સાથે
શિક્ષક વેચે છે વિદ્યા અહીં વેચાય છે બારાખડી સાથે

માણસ થાય ભક્ષક અહીં ભક્ષક રક્ષક વેચાય સાથે
કરોળિયાની જાત છે અહીં શબ્દના જાળા સાથે સાથે

શબ્દના માળા મહીં છે શબ્દના મા'ણા સાથે સાથે
શબ્દના હુલામણા શબ ને બહુ વ્હાલા સાથે સાથે

કરોળિયાની ભાતમાં ગુંચવાયેલા મા'ણા સાથે સાથે
અનર્થના થયા કરે અર્થે સ્પર્શમાં જાળા સાથે સાથે

સ્પર્શના જાળા મહીં અસ્પર્શ છે મા'ણા સાથે સાથે
ગુંચવાઈ શબ્દમાંથી નીકળે રોટલે મા'ણા સાથે સાથે
---રેખા શુક્લ
                        

મંગળવાર, 14 જુલાઈ, 2020

બેબી શુઝ

નમસ્તે મિત્રો;
 "  બેબી શુઝ  " 
૨૧ દિવસ પછી પાછા ફરીને આવ્યા પછી પત્ની અંજુએ અમીત ને કીધું " સાંભળી લો હું થોડા દિવસ 
ભાઈ-ભાભી ને ત્યાં જઈને પાછી આવું ત્યાં સુધીમાં તમારા માતા-પિતાને ક્યાંક બીજે રહેવાની સગવડ 
કરી લેજો. અને એમ નહીં થાય તો મારી પાછા આવવાની રાહ ન જોતા." બિચારો અમીત ફાટી આંખે 
સાંભળીને અવાક થઈ ગયેલો. કાપો તો પણ લોહી ના નીકળે. એક મોટો નિઃસાસો નીકળી ગયો. એણે આખરે લખ્યું " ફોર સેલ બેબી શુઝ નેવર વોર્ન "
 - રેખા શુક્લ

નામ વગરની વાર્તા હું પાત્ર વગરની વાર્તા હું 
ભિંજાય છે ચાહના હું રસ્તે રઝળતી વાર્તા હું 
શબનમી ધૂપછાંવ હું રૂડાની એક પહેચાન હું 
ચંદ્ર્કળાની વાત હું મોરપીંછ નોખી ભાત હું 
હસતી મસ્તાની જાત હું અક્ષરાનંદી નાત હું
--- રેખા શુક્લ

શબ્દોના સાથિયા નથી આ હ્રદયની વાત છે
લોહીમાં ઝબોળી લખેલી લાગણીની વાત છે.

પેટ ભરવા એક નાર સૂઈ ગઈ ઉભી થઈ તો રોજગારી સૂઈ ગઈ
આવશે, એ આવશે એ આશમાં દ્વાર ખુલ્લા રાખી બારી સૂઇ ગઈ
'મારે કોઈની જરૂરત નહીં પડે' ઠાઠડીમાં એ ખુમારી સૂઈ ગઈ
રાત બહુ શરમાય છે ને એટલે રાત અંધારું પ્રસારી સૂઈ ગઈ
ભાર મારો ઝીલીને થાકી હશે જાગતો'તો હું પથારી સૂઈ ગઈ
--- મિત્ર રાઠોડ


શનિવાર, 4 જુલાઈ, 2020

કબીરજી

કબીર
ગુગમ ગરિમા મંચ પરથી રેખા શુક્લ- શિકાગો  'કબિર' પર
નમસ્કાર મિત્રો
કાશી બનારસના ્ગંગા તટે કબીરજી કમળના ફૂલ પર તરતા દેખાયા કે પછી એક વિધવા બ્રાહ્મણીએ જન્મ આપ્યો પણ એમનું અલૌકિક વ્યક્તિત્વ છસ્સો વર્ષે પણ પ્રસિધ્ધ છે કામ કરતા કરતાં વણતા જાય ને એમની વાણી એમનું ગ્યાન ગાતા જાય એમના દોહા જગપ્રસિધ્ધ બન્યા. સરળ ભાષામાં સુવાક્યો વિચારો પિરસતા રહ્યા. એવી એમની વાણી હતી કે લોકો ૧૫મી સેંચ્યુરીમાં એમને ફકીર કહે કોઈ કહે સંત તો કોઈ કવિ કહે...બનારસમાં વ્યાપારીઓ આવતા જુદી જુદી ભાષા બોલતા. સંત કબીર બાહ્ય આડબંર નો સખ્ત વિરોધ કરતા. સમાજમાં ફેલાયેલ ગંદકી નો ઉલ્લેખ ગાઈ ને સમજાવતા. ધર્મ ના નામે પાખંડીઓ કારણ સમજ્યા વગર ધર્મ ની તરફદારી કરતા. તો વચ્ચે પડતા. આમ મૌલવી હોય કે કોઈ પણ કબીર માલ બજાર વચ્ચે વેચવાને બદલે બોધ આપતા. પોથી પુસ્તક પઢવાથી અક્ષરગ્યાન આવતું નથી. કે પંડિત પણ થવાતું નથી. તેમ પથ્થર પૂજવાથી ભગવાન જો મળી જાય તો હું પહાડ પૂજવા તૈયાર છું. સ્નાન માટે કહેતા કે પાણીમાં જ રહેતી માછલી તેની ગંધ દુર કરી ના શકે તો એવા સ્નાન નો અર્થ શું જેનાથી મન દિલ ને વિચારોનું શુધ્ધિ કરણ ના થાય. ગુરૂપાસે થી ગ્યાન મળે ને પ્રભુ ની નજીક જવાનો રસ્તો સૂઝે જ્યારે બન્ને સામે આવી ગયા ત્યારે એમ કહે કે ગુરૂ ગોવિંદ દોનો ખડે કાકે લાગો પાય બલિહારી ગુરૂ આપને ગોવિંદ દિયો બતાય. જાતપાત પૂછ્યા વગર પ્રભુભક્તિ કેમ ના થાય ? અને કહેતા કે દુઃખમાં તો બધા યાદ કરે પણ સુખ માં પણ પ્રભુને જો યાદ કરો પ્રભુથી નજીક રહેવાય. આવી સરસ સાંસ્કૄતિક સોચ મળેલી સ્વામી રામાનંદ ગુરૂજી પાસે થી તેમજ "રામ " નામનો મંત્ર જપતા. જ્યાં મોટા થયા તે હવે નીરુ ટિલા તરીકે મંદિર બન્યુ. માટી ને રોંદતા કુંભારને જોઈ બોલ્યા..એક દિ એવો આવશે તુ જોજે માટી જ તને રોંદશે. ૧૧૯ વર્ષે પ્રભુધામ સિધાવ્યા પણ હજી તેમની વાણી - દોહા ને જીવન ચરિત્રને યાદ કરવામાં આવે છે.  અસ્તુ
---- રેખા શુક્લ 

બુધવાર, 1 જુલાઈ, 2020

ચાઈનીઝ વસ્તુઓનો બહિષ્કાર


www.Club Task
common Task

૧.કોમન ટાસ્ક
૨.રેખા શુક્લ
૩.શિકાગો-અમેરિકા
૪."ચાઈનીઝ વસ્તુઓનો બહિષ્કાર "
૫..શબ્દ સંખ્યાઃ૧૧૪ (10 )
૬. જુલાઇ ૪ ૨૦૨૦

મીટ માંડી ને બેઠું વિશ્વ હાથ જોડી, કરીએ સાથે બહિષ્કાર
ચાઈનીઝ વસ્તુનો હવે વિશ્વ પણ, સમજી કરે બહિષ્કાર (૧)

બનીએ આત્મનિર્ભર, ગાંધીજી જેમ કર્યો હતો બહિષ્કાર
છે થોડું જો ખિલવું તો, કરવાનો આમ જ હવે બહિષ્કાર (૨)

છે મારે પણ કહેવું, મોકો મોહક શોધાયો 'માત્ર' બહિષ્કાર
મ્હોરવું ને મહેંકવું કૂંપણ કોશિષો, જરૂરી જીવવા બહિષ્કાર(૩)

"મેઈડ ઇન ભારત" એક જ છે અવકાશ, કરી લો બહિષ્કાર
હેવી મશીન, રમકડાં, કપડાં, પેન, ખાદ્ય પદાર્થ બહિષ્કાર(૪)

ના ટેકનોલોજી કે હેરપીન પણ જોઈએ, જુઓ તમે બહિષ્કાર
ઉડવું મારે મારી પાંખે, દિલ દિમાગથી કરીએ  બહિષ્કાર  (૫)
---- રેખા શુક્લ 

સંગમ લાગણીના શબ્દે-હું નાની અમૄતા કોર

www.Club Task
common Task
૧.કોમન ટાસ્ક
૨.રેખા શુક્લ
૩.શિકાગો-અમેરિકા
૪.સંગમ લાગણીના શબ્દે-અમૄતા પ્રીતમ (સાહિર - ઇમરોઝ )
૫.શબ્દ સંખ્યાઃ૨૩૭
૬. જુલાઇ ૪ ૨૦૨૦
હું નાની અમૄતા કોર કહેતી રહી મા ને ના મરવા દેતા પણ ભગવાને ના સાંભળ્યું.મા વિના મોટી થઈ
મમતા ને પ્રેમની ઉણપ મને સતાવી રહી. ભાગલા પછી દિલ્હીમાં આવી સોળ ની લગ્નની ઉંમરે અમ્રીતા પ્રીતમ બની. મને  ખુબ ગમતા સાહિર લુધ્યાન્વી કે શાયર હતા- ગાયક હતા. સંગમ લાગણીના શબ્દે-પ્રેમી  સાહિત્ય  ને લખાણ વગરના રહી શકે. ગયિકા સુધા મલહોત્રા ને પણ તે ખૂબ ગમતા.
પણ તેમને પણ પ્રોત્સાહન ન મળ્યું. પણ એકતરફી અતિશય ખેંચાણ મારી કવિતા દ્વારા છૂપુ ના રહી
શક્યું. પણ એમના તરફથી કોઈ પ્રોત્સાહન ના મળ્યું. રાધા કૄષ્ણ વિના અધુરા તેમ મને એમના વગર 
જીવવું અધૂરું લાગતું. પણ પ્રેમ તો કરી શકાય છે કરાવી શકાતો નથી. મન ઉદાસીથી ધેરાઈ 
જતું ને મારું દર્દ શબ્દોમાં નિરોપાઈ જતું, પરોવાઈ જતું. પ્રેમધેલી,બાવરી લગ્નગ્રંથિથી મુક્તિ પામી ઉંધે 
કાંડ સાહિરના પ્રેમમાં પડી. એમને બીજા સાથે હું જોઈ ન્હોતી શકતી. તેવા સમયે મને ્ચિત્રકાર ઇમરોઝ મળી ગયા. તમારી કયારેય નહીં થઈ શકું કેમકે હું સાહિરના પ્રેમમાં પાગલ છું. તમે મને કદી પામી નહીં શકો. વર્ષો સુધી અલગ રહીને ઇમરોઝ મારો સાથ નિભાવતા રહ્યા.

मै तुजे फिर मिलूंगी कहां कैसे पता नहीं 
शायद तेरी कल्पनाओकी प्रेरणा बन
तेरे केनवास पर उतरूंगी
-अमॄता प्रीतम 


સ્પર્શ તારા નામનો ઝીલ્યો હતો, જે પવનની ડાળીએ ખીલ્યો હતો,
એજ સ્પર્શે શબ્દ પ્રગટાવ્યો અમે, લાગણીના દોરથી ગુંથ્યો હતો.
--રેખા શુક્લ