મંગળવાર, 6 ઑગસ્ટ, 2013

ખજાનો મળી ગયો..!

કોતરીયાળો થાંભલો-ફળિયા વાળું એક રૂમ નું મકાન-અગાશી ઉપર ની બારીએ ઉભેલ પારેવડી-રોપ પર ચાલતી નાર-ત્રણ દરવાજા- માછલીધર-પાંજરે પોપટ-પ્રાણી સંગ્રહાલય-રકાબીમાંચુસકી ભરી પિવાતી ચાય.,મદારી ના ઇશારે દાંત કાઢી નાચતો વાંદર-સારંગી વગાડતી છોરી-ખુલ્લી ખીડકી-ઉંચી મેડી-દીવો કરેલો ગોખલો,હાથેથી ઓરી દરણું દળતી કડલાચુડી પરસેવે 
રેબઝેબ કસાયેલી નાર,ફુગ્ગાને ફિરકીવાળો...મારંમાર ભગાવતો -
રીક્ષાવાળો વચ્ચે ઉભો ટ્રાફિક દોરતો પોલિસ-ના સાંભળતી ગાય-બેં બેં કરતી બકરી ગોતતું લવારૂં..ગુલમહોર ના ફુલ,જાસુદ,ટગરની કળી ને સુગંધી ચંપો..એક બાજુ ગાંઠીયા જલેબી નો ઘાણ કાઢતો કંદોઈ બીજી બાજુ ગરમાગરમ મકાઈ શેકતી કોઈની દીકરી-કાંગરીયાળું બારણું..નાનકડું બુઝારૂં-મટકી નું પાણિયારૂં-
નાણ વગાડતો નાણભટ્ટ-ડાયરો ને ભવાઈ સંગ કઠપુતલિ નો ડાન્સ-શિવમંદિરે..આરસનો પોઠિયો...જુનું કાષ્ટ નું આંગળિયા ને નકુચા વાળું બારણું-રેકડી નીચે સુતેલું પાતળિયું કૂતરું-પાન નો ગલ્લો-દૂર બેબસ બાપ ના ખોળે દિકરો-ચંપલ વગર કાંખમાં લઈ બાળક ભીખ માંગતી સ્ત્રી-મંદિરનો ઓટલો-પુજારી- ગામ વચ્ચે ચબુતરો-ચારેકોર પારેવડાં-બંગડીની દુકાનમાં-ખજાનો મળી ગયો..!
---રેખા શુક્લ

સમાઈ જા ધરાઉ હું.....!!!!

તું કૄષ્ણ મારો થઈ મુજને કેમ સતાવે તું
જલાવી જલાવી જીવાડે રડાવી હસાવે તું

હક તારો તુજ નો મુજ પર કેમ જતાવે તું
ખબર છે રામ તું રહીમ તું કહી બતાવે તું

જળાવી જળાવી ધીરેધીરે અધિર ને મારે તું
છુપાવી ને કારણ કદીક તો પ્રેમ જતાવે તું !

ઇશ્ક તું ઇશ પણ તું શાને એવું સમજાવે તું
માનું કેમ હું તારો મિત્ર કહે છે તું શ્રેષ્ઠ તું !

ઉપર બેઠો ભગવાન તું તોય મુજમાં તું
ભક્તિ તું શક્તિ તું હરતી ફરતી પૂર્તિ તું

મંદ મતિ ની છતી થતી ક્ષતિની ગતિ તું
રૂકી ઝુકી ટુંકાઈ હું હાથ ઝાલ મારો તું !

સવાલ તું જવાબ તું મસ્તીલું સપન તું
સમાઈ જા ધરાઉ હું શોભતું છે કફન તું 
---રેખા શુક્લ 

બ્રહ્માંડ

બ્રહ્માંડ માં હર્યા કરે ફર્યા કરે ફસ્યા કરે
ઝુર્યા કરે ક્રિયા કરે જંતુ થઈ જીવ્યા કરે
હસ્યા કરે તંત કરે પત્તે રહી શમ્યા કરે
વ્હાલ માં કાવ્ય થઈ ભાવમાં ગમ્યા કરે
--રેખા શુક્લ

પથરામાં મ્હેંકાજે

રોજ ચણીને પથરામાં
પધરાવી દે મંદિરમાં
--રેખા શુક્લ

ઝંખના શોભી સેહવાસે
સહેજે લોભી લોકલાજે
મોગરે મોભી રેહવાસે
સુગંધી થોભી મ્હેંકાજે
----રેખા શુક્લ 

મૌસમી મુજ પરણિયો .....

બહુ વિચારી માંડી ચણતરી ગણતરીઓ
અપેક્ષા ઉતરી આડી સંબંધ છે છેતરીયો

છલકાતો મૌસમી પગલો મુજ પરણિયો 
બસસ્ટેન્ડી પલક-ઝલક લાવીને ઘડિયો 

રંગો પરમાણું કાવ્યે પંછી વરણાગીયો 
આંબો ઉજાસી કોયલડીનો સગપણિયો

અધુરું મધ્યાહ્ન કાવ્યને ગાતો ચાંદલિયો
સુવર્ણ પર્ણી વૄક્ષ જગતે જઈ ઝળહળિયો 
---રેખા શુક્લ 

દિકરો

વાટકી શીરો ઘેલો
પાલવડો ઝાલેલો
ગલગોટો લાગેલો
વરસાદી ભીંજેલો
આંખડીએ વસેલો
દિકરો જોયો વ્હાલો
--રેખા શુક્લ

ટહુકે ટહુકે.. પારેવડાં છે!!

આંખ્યું પ્રીતના બે નેહ બુંદ ઝીલવાને ઝુર્યો તો આજ પ્યાલો છે
છોરી પિયુના બે નેહ બુંદ ઝીલવાને ફર્યો તો આજ ઠાલો છે !!
હ્રદયે રૂંવાડા ટટ્ટાર ઉભા છે..હૈયે કળાયેલ મોર થયો વ્હાલો છે
નજરે શમણાં તોરણ ઉભાને...ટહુકે ટહુકે પિગળ્યો જોયો ઘેલો છે!!
---રેખા શુક્લ
નાની નાની પગલીયું પાડે ઉંડી ભાતુ ને ઉડી ગયા ચબુતરે પારેવડાં છે!!
......રેખા શુક્લ