શુક્રવાર, 29 સપ્ટેમ્બર, 2017

શુભચોઘડિયાં સંગ આવી લો દિવાળી !!


ભાતભાતની રંગોળીને દીવડીઓ લઈ આવી ગઈ લો દિવાળી
સુંવાળી-મઠીયાં-ઘૂઘરા-ફટાકડા લઈ આવી ગઈ લો દિવાળી

રૂમઝૂમ કરતી સખીઓની જોડી લઈ આવી ગઈ લો દિવાળી
વાઘ બારશ- ધનતેરસ ને કાળી ચૌદશની સખી તો દિવાળી

મોંઘેરા ભૈલાને મળવા કાજ ભાઈબીજ છે લાવી લો દિવાળી
નૂતન વરસના નવલાં પર્વે આનંદ અનેરો લાવી લો દિવાળી

ભક્તિ-પૂજા-શક્તિ-અર્ચના, આશા-મહેરછા લાવી લો દિવાળી
ભાઈચારો ને મિત્રતાના કોમળભાવે પ્રાંગણે આવી લો દિવાળી

કરો ચોપડા પૂજન સૌભાગ્ય પંચમી લાવીને લો આવી દિવાળી
કારતક માસ પ્રારંભ વિક્રમ સંવત ૨૦૭૪ નૂતનવર્ષારંભી દિવાળી 
---રેખા શુક્લ


ગુરુવાર, 28 સપ્ટેમ્બર, 2017

હતો વાંધો ?


દિલ માં ઉઠે સવાલ કે દીકુ તો દાદા-દાદીને બહુ વ્હાલી
મમ્મીની ચૂમ્મીઓ તો ખૂટતી જ નહીં પણ પપ્પાને શું કઈ વાતે હતો વાંધો ?
પારકી થાપણ..ભણાવી ગણાવી ને મોક્લી આપવાની
સામે કોઈ પણ પ્રકારની અપેક્ષા વિના જ સમર્પણ કરવાની વાતે હતો વાંધો ?
ને તું તો મારો ડાહ્યો દીકરો છે ને કહીને રડતી રાખી છાની
એવું તો બધે થતું આવ્યું છે ડરવાનું નહીં કહી ધકેલવાની વાતે હતો વાંધો ?
દાદી કેહતી સુખી રહેજો ને સુખી કરજો ને ચાલ્યા મનાવી
ઇશ્વર ધેર આવી ને ઘર ગોતતી દિકરીને બેઘર થતી જોવાનો હતો વાંધો ?
પતિ-પત્ની સમાન દરજ્જો મા તો બંનેની સરખી રા'ની
તોય સાસુનુ કરી પછી રઝળતી વાર્તા મા' ની ફરક તો હતો વાતે વાંધો ?
હસતા હસતા હરખાઈને કોણ ગયું ડૂબી કહીદો મમ્મી આવી
સમજોતો ને સમજણમાં જીવન થાય ધૂળધાણી તે દેખી હતો વાતે વાંધો ?
----રેખા શુક્લ ૦૯/૨૮/૧૭