પ્રીતનાંં ઘેલાં
અમે તો પ્રીતનાં ઘેલાં, અમારા મીન સરોવરના નાતા;
મીન સરોવરના નાતા, અમથી મૂક્યા નથી મૂકાતા-
અમે તો ....
સરોવર સૂકાતાં હંસ ઊડીને, થીર બીજે થઈ જાતા;
વિણ પાંખુંના વિહંગડાં અમે, જળ સાથે ઝડપાતાં-
અમે તો...
ધણને ઘાએ અગનની ફૂંકે, ગાળ્યા એમ ગળાતાં;
ખાખ થયા વિણુ આઘા ન ખસતાં, લોઢા લાકડે જડાતાં-
અમે તો ....
માનવ માટીના જુગજુગ જૂના, સબંધ નિભાવ્યે જાતાં;
માંડવે ચોરીના માટ મસાણે, આગ લઈ આગળ થાતાં-
અમે તો...
એવી લગન છે કલમ અણીથી, અગળાં થઈ સુકાતાં;
લહિયા આ સાહ્યું લીલી ન જાણજે, ખૂંટી ધૂળ્ય ખાતાં-
અમે તો...
કાદવ સરખાં દાદ' કે' કલેવર ને નીર સાથે નાતા;
વેઠવા વસમા વિયોગ એના, હૈયાં ચીરાઈ જાતાં-
અમે તો...
----કવિ 'દાદ'
ટિપ્પણીઓ નથી:
ટિપ્પણી પોસ્ટ કરો