સ્ટીફ ફીગરીન

સમય ની પાળ પર, યાદો ના પારેવડાં ચણે

લાગણીઓને તરસનો સ્વાદ, પગલાની છાપ રણે

લીલું પર્ણ આંખ મીંચે, છેતરાઈ મૄગ ભમે રણે

લાલ રતુંબલ વાછરડી, સૂર્યાસ્તે પાછી ધણે

---રેખા શુક્લ

માસુમિયત ભીંજવે ઉંમર નો પડાવ

ઇતિ થી અંત સુધી ઝંખતો રે ચડાવ

---રેખા શુક્લ

બેઠા બતકા વ્હાલ કરે, સ્ટીફ ફીગરીન જોઈ ઝૂરે

સંબંધના મૂળિયા ખરે, એંધાણ જો ફળિયા કરે

સાક્ષીભાવ અંતરમન કરે, કામણગારા ભાવ સ્ફૂરે

-----રેખા શુક્લ

રાધા નો કા'ન

પાણીયેરીથી પગરવ પાડે ઝાંઝરી ભીનાશમાં 

મુગટ મોરલી મુખારવિંદ અકબંધ રે આંખમાં

રડતો કાંઠો લૂંછે આંખો, ભીની પાંખુ રાખ માં

ખુશ્બુ ફુલદાનીએ ને સમંદર છીછરો પર્ણમાં

જીવી સપના ભીંસાયા, પથરા તો પાયા માં

વેઠી પ્રસવ પીડા કરે, વ્હાલ ઝાઝુ આંખમાં

ઉજાગરા રોજ ભળે ને સપના છળે આભ માં 

પાંખો ને પંપાળી રૂપ વિખરે ચંદન શ્વાસમાં

લાગણીયું ટેરવે ભળે, લજામણીની આગમાં 

રાધા નો કા'ન આવી મૂઓ કળે અંગેઅંગમાં

----રેખા શુક્લ

આજ ગ્રહપ્રવેશે ખુશીએ મોં મીઠું કર્યું ...

હૈયું ચઢ્યું હેલે વાટ તુજ ની જોતી આંખલડી

લીધાં ઓવારણાં નજરું ઉતારતી રે માવલડી

સોહામણા સપને વળગીને ભીંજી આંખલડી 

મોરલો મીઠો દિકરો રૂડી તારી છોને ઢેલડી 

કુમકુમ હાથે પગલાં ભરી ઠારી રે આંખલડી

સોળે સજી શણગારે રૂમઝુમ હરખાણી ઢેલડી

----રેખા શુક્લ 

*****************************

કુમકુમ પગલે કોયલડી ટહુકાણી

ડોલી રે જુઓ  કોમળ લજામણી 

નાનેરા ઘડુને ઠેસ મારી સોહામણી

હૈયાની કોર સંગ ઝૂમીને ભિંજાણી 

-----રેખા શુક્લ

ત્રિશંકુ

બસ તારા વગર જીવવાની છે રજા ...
નૈન ને સમજાવ જોવા ના છોડે અભરખા..એની નથી રજા..
.આમ જુવે તો ક્યાં છે મિલન ને ક્યાં છે વિદાય..
પણ ત્રિશંકુ થવાની છે રજા ,,,
ઉંબરે ઉભા ઉભા પગ નો અંગુઠો ખોતરતા ત્રાંસી નજરે જોઈ ને મીઠું મલકવાની પણ હતી એક મજા..
તો ભાગી ને વળગી ને વ્હાલ કરવાની ક્યાંથી હોય રજા
---રેખા શુક્લ

વાત આખી આમ છે સમજી લ્યો શ્યામ....

શણગાર્યા સપના ને જીવંત મહેંક્ થઈ

ઝાંકળની ભાષા લખે રણ ની રેતી થઈ

તરસની વાતુ ભળે જળની ભાષા થઈ

મલકની વાતુ મળે જો નજરું ભેળી થઈ

સળની ભાષા ચાદરે લખી રાતરાણી થઈ

---રેખા શુક્લ

એહસાસ નુ લખાઈ જવું અહીં અલ્ફાજ નુ પઢાય છે

હાલત નું જોખાઈ જવું અહીં વ્યવહાર નું મનાય છે 

---રેખા શુક્લ

बाकी मे....

बाकी हैं पन्ने हिसाबी जिंदगी के हिस्से मे

सांसो को ख्वाहिशों से जोड के हिस्से मे !

बोल पडे जज्बात कुछ युं ही सवालो में !

चल पडी हुं बेह बेह के युं हि जवाबो मे !

----रेखा शुक्ला 

જસ્ટ એક મિનિટ

એક એક પલ ગિનુ જીસ ઘડી કે લીયે
જીસકી ઉમ્મીદ મે હર કોઈ "મા" જીયે
               **
જસ્ટ એક મિનિટ પારણિયે
ખોવાયો પારણિયે ક્યાં ક્યાં ગૂંથાણો
ભણી ને શું પરવાર્યો મારો એ રૂપાળો
પડ્યો છે ઉંધે કાંડ પ્રેમ માં મારો ઉતાવળો
જસ્ટ એક મિનિટ લાગશે ચડશે હવે ઘોડી પર સુંવાળો
આ દિવસ-ઘડી માં ખોવાણી, વરસો માં જીવ મુંઝાણો
ખુશ રહે બેટા, સર કરો ઉન્નતિ ને પ્રગતિ ના ચઢાણો 
દૂર દૂર નજરે ના ચઢે કંટક કે નેગેટીવ પ્રતિબિંબ સંભાળો
જસ્ટ એક મિનિટ પલકે, મુજ રવિ બાબુ હૈયે છે સમાણો
---રેખા શુક્લ (MOM)

     **************************************

"મા"
કોખ થી છુટો પડ્યો હું રડેલો "મા" તુ રડેલી.....
ગોદમાં હું રમેલો ખુબ હસેલો તું હસેલી !!
બેસતા હું શીખેલો બોલ્યો "માં" તુ રડેલી....
પા-પા પગલી પાડી ગળે બાઝી પડેલી !!
ગોળ ગોળ હું ભગાવતો, હું બહુ સતાવતો !
દુધનો પ્યાલો લઈને ગોતે હું સંતાઈ જાતો !
સ્કુલે મુકવા હસ્તા મુખે સજળ નૈને જોતો !
છુટતા ગળે થી હું રડેલો વળી વળી જોતો !
મિત્રોમાં મશ્ગુલ રમતગમત ખુબ રમતો !
સ્કુલ પતી તે સમર ખુબ ફર્યો'તો હસતો !
પપ્પાની કાર્બન-કોપી કહે હું મલકાતો !!
ગર્વથી ભીની આંખો ચશ્માં લુછતીતે જોતો !
યુનિ-માંથી આવી રડ્યો ક્રુશ હથેળી ચુમતો !
મીઠું મોં કરાવ્યું જોબ મળી તું રડેલી........
લગ્ન વખતે હરખાતી ઘડી-ઘડી આંખો લુછતી !
પાગલ મનવા દિલના સંભલે કૈં ચુમી લેતી !!
પેહલા ખોળે પુત્ર વધામણી સફેદી માથે વધતી !
ના'ની તારી ના'ના તારા કહી સંગે રમતી !
ઠુમક-ઠુમક મુજ બાળ રમાડે હું જો'તો હસતી !
દુઘનો પ્યાલો લઈને ગોતે ઘીમે ફરતી !!
ગોળ ગોળ ફરી મુજ્ને જ જાણે શોધતી..!!
રડતાં રડતાં યાદ કરું આજ તું દુર નજરથી !!
"પાપા ના'ની" છબીને ચુમી બાળ નજર હસતી
ક્યાંથી લાવું "મા" ફરીથી આંખો મારી રડતી...!!
---રેખા શુક્લ