શબ્દોની ના જરૂર પ્રેમ ને કે વિરહને...!!

    શબ્દોની ના જરૂર પ્રેમ ને કે વિરહને..

હળવેકથી આવે વણાંક થડકાર દૈ ને

માણસ નામે સ્વપનું એકેક ખોવાણું ને

કરજદારનું આમંત્રણ ને રમવાની રમત ને

    શબ્દોની ના જરૂર પ્રેમ ને કે વિરહને...

જંતર મંતર હા જરાંક પાની પાછી લઈ ને

ખુરશી-ખુરશી રમતા જોયા ઝરૂખે પોપટા ને

ચણોઠીની ઢગલીમાં જઈ બેઠા મયુર ને

   શબ્દોની ના જરૂર પ્રેમ ને કે વિરહને...

વરસાદી સંગતમાં મોરલા ટહુકા લાવ ને

ફોરાનું ભીનું સંગીત ને પંખીઓનું અંગત ને

વિણેલા મોતી  પાથરુ વર્ણાગી છે રસ્તા ને

   શબ્દોની ના જરૂર પ્રેમ ને કે વિરહને...

સાંજ ઢળે છે પાછી કાચી સમજણે પાકી થૈ ને

જીવન ઝરમર ઝરમર વરસે છત્રીસંગ ભીંજુ ને

વાંછટમાં ખીલે છે મહેંક મોગરા ની વેણી ને

   શબ્દોની ના જરૂર પ્રેમ ને કે વિરહને...

-રેખા શુક્લ(શિકાગો)

मेरे प्यारे बचुभाई...!!

वो बदन पे बदन चुमते ही रहे

हम भी उन्है आगोशमे लेते रहे

कभी वो घुरते आंखो मे आंखे डालके

हमतो उसकी हंसीमें डुबते रहे

तुमसे भी मिलेंगे वो बडे प्यारसे

गर बुलादो जरा प्यारसे....

सोये हमारी बाहों में बडे आरामसे

रख्खो नीचे तो रुए होठ दिखाके

यही तो उनकी अदा बडी वो है

हंसे तो हंसादे रुए तो रुलादे

सोक्स डायपर न उन्है अरछा लगे

ये बचुभाई मुजे बडे प्यारे लगे....!!

-रेखा शुक्ल(शिकागो)

તારા સત્કારમાં….!!!!

ખડકી ખોલીને બેઠી હું દ્વારે …તારા સત્કારમાં

મોસમનું નામ ખાલી,હ્રદયકુંજે ઝુમું… તારા સત્કારમાં

ફુલોની ફોરમનો લાવી ખજાનો… તારા સત્કારમાં

ઉરમાં મિલનની લાગી એક અગન… તારા સત્કારમાં

રૂમઝુમ રેલાયો નટખટ અંધકાર …તારા સત્કારમાં

મનનો મોરલો ગાયે મધરાતે મલ્હાર… તારા સત્કારમાં

તમરાં તો બોલે તરુવરપુંજમાં …તારા સત્કારમાં

આભ વીંટળાયું અવની ના અંગે… તારા સત્કારમાં

નીતરે છે શ્રાવણ હું પીગળી રહી… તારા સત્કારમાં

સ્વપ્નનું ઝરણું ને તરણું ઉમંગનું …તારા સત્કારમાં

ગઢને હોંકારો દે કાંગરાય… તારા સત્કારમાં

તસ્વીરમાં પણ ઉભી જ રહી… તારા સત્કારમાં

શબ્દની બેડીમાં જકડાયા છીએ… તારા સત્કારમાં

લોહીના અંગત ઉભા ખુણા… તારા સત્કારમાં

ફિલીંગ્સનો પાડવો છે ફોટો… તારા સત્કારમાં

લેવો ઓટોગ્રાફ દરિયાનો મારે …તારા સત્કારમાં

મધરાતે રડતી ટહુકી કોયલડી… તારા સત્કારમાં

છલકાઈ જાય કાવ્યધારા પાણી જેમ… તારા સત્કારમાં

ઝીલવાને મોજાં સ્મ્રુતિ-ગાગરે… તારા સત્કારમાં

ખડકી ખોલીને બેઠી હું દ્વારે …તારા સત્કારમાં

-રેખા શુક્લ(શિકાગો) Happy Anniversary નિમિત્તે ભેંટ..!

બંધ દરવાજા ધવાયા...!!!

સાંભળ્યા બંધ દરવાજે, દિલ પર ટકોરા ને ધડકતાં દિલ પર જોયા બંધ દરવાજા

હ્રદયના વાલ્વમાં મોટા થયા કાંણા, ને રૂધિરની નસોના રહ્યા બસ ઝીણાં કાંણા

ભડકે બળતા હ્રદયના મંદ ધબકારા, પડતા અશ્રુમાં તો થરથર્યા અર્ધ પલકારા

ગોવાળોના ન રહ્યા ક્યાંય બચકારા, ગયા ગીતો શૌર્યના- રહ્યા જીભના જ લબકારા 

ઘડપણે તમારા, અવાજ ના સંભળાયાં, ઝામરની આંખે તો તમે ય ના દેખાયાં

લાગણીના પુરમાં જઈ અમે શું તણાંયા, ઝાંઝરના રણકારમાં તમે જઈ છુપાયાં?

સમી સાંજે ક્યાંક તમે સતાવ્યા, વાંસળીના નાદે બસ અમે તો ધવાયા...

-રેખા શુક્લ(શિકાગો)

સત્તર અક્ષરી હાઈકુની મજા...(૩)

મૂળસોતા ઉખાડેલા

   દિલ પાછા

 કેમે રોપવા?

બંધને, વરસાદમાં

   સુકવવા

 લાવ કપડા

પારણે ઝુલાવવા

  ભુલકાના

સુંદર મુખડા

આંખડી આંસુમાં

ઢળતી, દિલની

આગમાં દાજી

મારું તો નામ

સરળ સીધી લીટી

  તું પ્રશ્નોત્તર

વર્ષોના સહવાસને

   રાખમાં

ઢબોડી ના દે ને!

વાસંતી અક્ષરો

મૌસમમાં મ્હાલવા

 ડાળી ચુમે

ભવના જંગલમાં

વાયરે નાચતી

 ઢીંગલીઓ

-રેખા શુક્લ(શિકાગો)

આજના આલ્બમમાં ગઈકાલની યાદો...

લાગી એમની લગન અને થઈ ગયા લગ્ન

ભરી આલિંગને વાતુ કરે ને થઈ જાંઉ મગ્ન...

પચ્ચીસ ગુલાબ ના ફુલો હસે છે ફુલદાની માં

વાત વર્ષોના એહસાસની તે ઉષ્મા હતી યાદોમાં..

નજર મેળે મળે ને હાથે થી મોટા ફુલ ચુંટે

ફરું પડખું તો ય મારું સ્વપ્નું ન તુટે..

પેટ ભરીને વાતુ કરશું તોય વાતુ ના ખુટે

ભુલામણી છેને આંખો મુજને નજરથી લુંટે...

-રેખા શુક્લ(શિકાગો)

ઉડાન ની મધ્યે ઉંમરો...

મનને મનાવી લેવામાં તો જીન્દગી પતવા આવી, 

ચાલ્યા જાય સ્વપ્ના ને નવી -જુની રસીદો જ રહી,

નજર દઈ દે ધોખો અને પગ જાય થંભી, 

ચિરનિંદ્રાની અભિલાશા માં રાત-દિવસ જાગતી રહી,

વલખાં મારવા પ્રેમના શાને મરી ને ય જીવતી રહી, 

પોતીકાં માન્યા પારકાં ને તો ય એકલી રહી,

વહી જતી આ જીન્દગીમાં કરચલીઓની જ ભરતી,

હિસાબ લગાવતી રહી બાદબાકી જીવતી રહી,

ઉડાનની મધ્યે આવી ને ઉભો છે ઉંમરો, 

હ્રદય પટે હંમેશા યાદો ની ભરતી રહી...

-રેખા શુક્લ(શિકાગો)